Ибра е тотално луд: На Сан Ремо излезе на сцена со екс-ју хитот – јутро је, јутро је (ВИДЕО)

03 март 2021 - 07:40

Шведската ѕвезда Златан Ибрахимовиќ синоќа се појави на престижниот италијански фестивал Сан Ремо, па го преврте цел Балкан од смеење, откако излезе на сцена со познатиот хит на Нада Топчагиќ – јутро је, јутро је.

Италијанците не ни сфатија што во позадина свири, ама на Ибрахимовиќ очигледно балканскиот хит му е омилена песна, бидејќи неодамна после еден меч на социјалните мрежи објави снимки како танцува и пее на оваа песна, славејќи победа на Милан.

Фестивалот на италијанската канцона Сан Ремо од синоќа стартуваше со своето 71 издание, на кое Ибрахимовиќ ќе има и дует во четврток со српската легенда Синиша Михајловиќ, како специјални гости, а ќе пеат хит од пред пола век – Вагабондо.