Куманово добива три големи настани – Суперкупот и двапати Купот на Македонија!

Реализатори на ова се кумановскиот градоначалник, Максим Димитриевски и претседателот на КФМ, Томица Главчев, кои го парафираа договорот. Тоа значи дека годинешниот Суперкуп (26 или 27 септември) во машката и женската сениорска елита ќе се одржи токму во Куманово. Овој град ќе биде организатор и на следните две завршници од Купот на Македонија, каде што се играше и годинешното издание од ова натпреварување.

Димитриевски и Главчев по потпишувањето направија увид во спортската сала каде што ќе се бијат битките за трофеите, проверувајќи ги капацитетите за организација на вакви големи натпревари од највисок ранг.