Додека Шверцери славеле титула, Комити им го заплениле ударното знаме! (ФОТО)

16 мај 2022 - 08:37

Бурен навивачки викенд имаше изминатиов викенд во Скопје - фановите на новиот македонски фудбалски првак Шверцери два дена ја славеа титулата, додека нивните градски ривали - Комити, се радуваа на ракометната Куп титула освоена во Кавадарци против Пелистер. 

Но, се чини дека голем навивачки триумф сепак однесоа симпатизерите на Вардар, кои успеаја со герила акција да запленат едно од ударните знамиња на Шверцери, нешто што во навивачкиот свет претставува големо понижување.

Форумите на кои членуваат и пишуваат навивачите се преполни со коментари и фотографии од запленетиот трофеј, многумина им честитаат на Комити за акцијата особено што таа се случила во време на прослава на титула на конкурентот Шкупи, кога на плоштадот Скендербег вриеше од навивачи на чаирскиот клуб.