Вардар тргна со подготовките за пролетна офанзива кон Првата лига (ФОТО)

12 јануари 2022 - 19:33

Најтрофејниот македонски клуб Вардар тргна денеска со зимските подготовки, со две големи засилувања од последната шампионска генерација, во битката за најдобра подготовка и пролетна офанзива за кам-бек во Првата лига.

Голманот Филип Гачевски и фудбалерот за врска Дарко Мицевски се двете бомбастични засилувања зимава кои освен квалитет, со големото искуство треба дополнително да помогнат на црвено-црниот тим во трката за враќањето во македонската елита, а на пролет вардарци ќе тргнат како третопласирани, но лидерот Силекс убедливо бега за директен пласман, па многу поизвесна е битката со Воска спорт за второто место и баражот преку кој ќе се бара кам-бекот во прволигашката конкуренција.

Вардарци до 24 јануари ќе се подготвуваат во Скопје, а потоа заминуваат во Анталија каде преку конторлни мечеви ќе се бара формата и идеалните 11 кои на пролет ќе тргнат во офанзивата.

ФОТО: ФК Вардар