Вест Хем го шокираше Челси: Кикс на Менди за три бода на „чеканите“ (ВИДЕО)
Тијаго Силва ги доведе „сините“ во водство во 28.минута. Мануел Ланцини во 40.минута израмни на 1-1 од пенал, а пред крајот на првиот дел Челси повторно поведе со голот на Мејсон Маунт.
Џерод Боуен погоди за 2-2 во 56.минута, а победничкиот гол за „чеканите“ го постигна Артур Масуаку во 87.минута за кого ова беше прв погодок во Премиерлигата по 96 натпревари.
Голот сепак оди на душа на голманот Едуард Менди, кој можеше и мораше подобро да реагира на случајниот шут на Масуаку.
На овој пораз на Челси најмногу ќе се израдуваат Манчестер сити и Ливерпул, кои со евентуални победи денеска ќе го турнат ривалот дури на третото место на табелата.