Ристовски ќе игра со една од најголемите словачки ѕвезди – Мартин Шкртел

Една од најголемите словачки ѕвезди Шкртел потпиша со Спартак Трнава и денеска беше официјално промовиран, а ова за него е враќање во татковината после 17 години, откако како неполнолетен замина од Тренчин во руски Зенит каде играше до 2008 година, а потоа цели осум години беше дел од англискиот великан Ливерпул, сѐ до 2016 година. Играше уште и за Фенербахче, беше дел од турскиот гигант кога Вардар ги исфрли во плејофот за Лига Европа, па кратко беше дел од Аталанта, а во последните две години беше дел од Истанбул Башакшехир.

„Се вратив ама не за да се збогатам. Нема да играм за некоја сума од која боли глава. И среќен сум што се враќам во Словачка“, рече Шкртел.

Тој има 104 настапи за Словачка со која играше и на Европско и на Светско првенство.