Франција против Словенија во полуфиналето: Италија снема сили за голем пресврт!

03 август 2021 - 12:14

Франција ќе се соочи со Словенија во полуфиналето на олимпискиот кошаркарски турнир, после денешната многу тесна победа на „триколорите“ против Италија во европското дерби со 84-75 во третиот четвртфинален меч, откако Словенците и Американците веќе го визираа пласманот меѓу најдобрите четири.

Ништо не навестуваше неизвесна завршница на пресметката на Франција и Италија, откако „триколорите“ ги растурија „аѕурите“ во третата четвртина, во која им допуштија само 12 поени, а исчекорија кон полуфиналето до највисоките плус 14 пред крајот на периодот (62-48), арно ама Италија не се предаде и во последната четвртина режираше вистинска драма.

Брзо Италија ја стопи предноста од 55-64 на почетокот на завршниот период до 66-66 со серијата 11-2 за да најави пеколна завршница.

Франција поведуваше најмногу до три поени, имаше уште еден егал 73-73, а кога Италија дојде на тројка до продолженија, Франција во завршницата успеа да дојде и до убедлива победа па предноста од 78-75 дојде до триумф со 84-75.

Руди Гобер и Еван Фурние заедно дадоа 43 поени, Гобер 22, Фурние 21, а Батум додаде 15 поени за Франција. Фонтекио со 23 поени беше најефикасен, Данило Галинари со 21 поен и 10 скока и Полонара со 15 поени беа најдобри поединци кај Италија.

Четвртфиналето завршува со пресметката на Аргентина и Австралија од 14 часот.