На Јокиќ му било срам да се појави пред сограѓаните во Сомбор!
Јокиќ еден ден претходно уживаше со своите коњи, а тоа се случи во ден кога соопшти дека нема да игра за репрезентацијата ова лето и ги налути навивачите на Србија.
Србинот во Сомбор пристигна во средата, кога соопшти дека поради замор нема да игра за репрезентацијата и дека му е потребен посебен одмор по напорната сезона со Денвер.
„На моја голема жал, ова е момент кога морам да ѝ соопштам на јавноста дека и покрај големата желба, не сум во можност да играм кошарка. Состојбата на моето тело е таква што морам да правам пауза. Таков е и ставот и предлогот на клубот кој морам да го прифатам. Убеден сум дека момците и без мене имаат квалитет да направат добар резултат“, вели Јокиќ.