Уште една одлична партија на Манасков за Веспрем

13 ноември 2020 - 20:16

Дејан Манасков откако пред два дена му даде неверојатни 16 голови на Ференцварош, денеска го предводеше Веспрем до нова победа во унгарскиот шампионат. 

Шампионот гостуваше кај СБС-Егер и славеше со 40-21. Македонскиот репрезентативец беше најефикасен со девет голови од 10 обиди, додека Андреас Нилсон и Гашпер Маргуч постигнаа по седум. 

Веспрем има 10 победи на 10 натпревари во унгарскиот шампионат.