Димитријевиќ се разигра, но Хувентуд загуби од Фуенлабрада (ВИДЕО)
Фуенлабрада го почна добро мечот и постојано имаше водство, кое во еден момент изнесуваше 15-9, но Хувентуд израмни на крајот на првата четвртина на 23-23. Потоа екипата на Димитријевиќ го презема водството (44-38), но не го зачува на полувреме (48-48).
По бурното прво полувреме и пеколната борба на паркетот, Фуенлабрада го засили темпото и изгради разлика од 10 поени (72-62). Хувентуд се обидуваше да се врати и за момент делуваше дека ќе успее бидејќи намали на 77-80, но потоа почна серијата на домаќинот, кој ги постави конечните 93-84.
Димитријевиќ го заврши мечот како најефикасен кошаркар кај Хувентуд со 15 постигнати поени, четири скокови и пет асистенции.
Nedo Dimitrijevic say NO!#VaDeGorrazos pic.twitter.com/IApmaurzi9
— Zona 3'05 Podcast (@zona305podcast) October 30, 2020