Артим Шаќири за нецели пет месеци си замина од приштински Фљамуртари
Шакири на 31 мај официјално седна на клупата на Фљамуртари, а после нецели пет месеци заминува, откако на последниот меч ремизираше неговиот тим без голови со Дреница, а по десет рунди во косовското првенство, приштинскиот клуб има само две победи и вкупно девет бода.
Шаќири поднел оставка на тренерската функција, а за косовските медиуми објавил дека ремито не била причината, туку – приватни причини.
„Дури и да победевме, јас ќе си заминев. Имам приватни причини кои ме туркаа да си заминам“, рекол Шаќири.
Македонската легенда играше во црвено-жолтиот дрес од 1996 до 2006 година и има 75 настапи за националниот тим (15 гола), а стружанецот во својата кариера која ја почна во Караорман, беше шест години дел од Вардар (1994-2000), со една сезона измеѓу мината во шведски Халмштад, па во новиот милениум во Тенис Борусија, а потоа играше и за Хит Горица, Коротан, Малатијаспор, ЦСКА Софија, англиска ВБА, Алборг, Интер Турку, Вадуц, Беса, Карабах и за тетовска Шкендија.
Како тренер почна една сезона во Шкендија (2012/13), па една во албански Кукс (2014/15), а сега само пет месеци во косовски Фљамуртари.