Пелистер имаше предност на полувреме, но Вардар славеше на крајот во Битола

15 мај 2019 - 19:48

Вардар одигра неизвесно прво полувреме против Пелистер во Битола, но сепак во второто полувреме го реши прашањето за победникот, па славеше со убедливи 31-24.

„Црвено-црните“ тргнаа сигурно во мечот против Пелистер, па веднаш создадоа предност од 4-1, а како минуваше времето ја зголемуваа и во еден момент таа достигна 11-7. Сепак, домаќинот заигра подобро во финишот од првите 30 минути, па успеа да замине на полувреме со водство од 15-14.

Сепак, Вардар се врати во игра на стартот на второто полувреме, па прво поведе со 22-19, па играше сигурно до крајот на мечот и ги постави конечните 31-24.

Вардар наредниот меч го игра против Бутел во сабота, а на 21 мај ќе се пресмета со Еурофарм Работник.