Алкараз со пресврт го победи Шелтон за финале во Торино (ВИДЕО)
Шелтон подобро го започна мечот, направи брејк уште во вториот гем и со сигурна игра го освои првиот сет. Алкараз се врати во вториот, во кој успеа да ја наметне својата игра и да израмни со 6-3.
Најголемата драма се случи во третото продолжение, каде што двајцата тенисери беа сигурни на сервис и не дозволија ниту една брејк-шанса. Одлуката падна во тај-брејк, во кој Алкараз целосно доминираше и го доби со 7-1.
Шпанецот во Торино пристигна во одлична форма и групната фаза ја заврши со три победи, против Коболи, Медведев и Тиафо. Со триумфот над Шелтон ја продолжи серијата на 13 последователни победи, иако во текот на турнирот се соочуваше со проблеми со задната ложа.
Во финалето Алкараз ќе се бори за првата титула на завршниот турнир на сезоната. Минатата година стигна до последниот меч, но беше поразен од Јаник Синер.