Охрид го освои Куманово за седма победа во лигата!

31 октомври 2026 - 20:04

Ракометарите на Охрид без проблеми триумфираа на гостувањето кај Куманово со 28-24 во деветтото коло од македонската Суперлига.

Куманово имаше предност само на стартот (2-1), по што Охрид ја презема контролата и го доби првиот дел со 16-11.

„Гладијаторите“ стигнаа и до максимални „плус осум“ (20-12), по што се опуштија во продолжение од средбата, а Куманово до крајот успеа да намали на четири голови негатива (24-28).

Охрид по девет одиграни меча има седум победи, едно реми и еден пораз, додека Куманово има еден триумф, едно реми и седум порази во лигата.

Фото: Facebook/ГРК Охрид - GRK Ohrid