Олисе му заби „нож во грб“ на Баерн Минхен - се договорил со друг гигант!?

30 октомври 2026 - 08:46

Германскиот шампион Баерн Минхен се соочува со неизвесност околу иднината на Мајкл Олисе, кој наводно сака да се пресели во Реал Мадрид и веќе ги договорил личните услови.

Баерн на крајот на минатиот преоден рок соопшти дека нема намера да го продаде Олисе, но Французинот очигледно има поинакви планови за својата иднина.

Олисе има соработка со баварскиот тим до 2029 година, но најновите информации за наводниот договор меѓу фудбалерот и Реал би можеле да извршат притисок врз гигантот од Минхен.

Пазарната вредност на Олисе во моментов се проценува на 180 милиони евра, според „Трансфермаркт“.

Фото: Facebook/FC Bayern München