Дончиќ ги надмина Коби и Шек, но Лејкерс првпат загуби – Тејтум херој за Бостон (ВИДЕО)

Словенечкиот кошаркар одигра натпреварот го заврши со 41 поен, девет асистенции и пет скока, со одличен шут од игра (12 од 22), при што погоди шест тројки и реализираше 11 слободни фрлања. Со ова остварување, Дончиќ испиша историја станувајќи само шестиот играч на Лејкерси со најмалку 20 натпревари на кои постигнал 40 или повеќе поени. Она што го прави овој потфат уште поимпресивен е фактот што тоа му успеа на само 96 одиграни натпревари за „езероџиите“, нешто што не им пошло од рака ниту на легендите пред него како Џорџ Мајкен, Шакил О'Нил, Џери Вест, Елџин Бејлор и Коби Брајант.

И покрај неговата маестрална игра, поддржана од Остин Ривс со 26 поени и Сандро Мамукелашвили кој додаде 17 поени, домашниот тим немаше решение за расположениот Портланд. Гостите дојдоа до триумфот предводени од Дени Авдија и Џа Морант кои постигнаа по 23 поени, Џру Холидеј придонесе со 22, додека Демијан Лилард уфрли 21 поен.

Исклучително возбудливо беше и во „ТД Гарден“, каде што домашниот Бостон селтикс дури по продолжение успеа да го скрши отпорот на Бруклин (125-124), оставајќи ги гостите и понатаму без победа сезонава. Херој на вечерта беше Џејсон Тејтум кој го постигна победничкиот кош, а воедно беше и најефикасен на паркетот со 40 поени, осум асистенции и пет скока. Пол Џорџ забележа 20 поени, седум скока и седум асистенции за победничкиот тим, додека Лука Гарза за 12 и пол минути на теренот запиша два поена и четири скока. На спротивната страна, Портер се истакна со дабл-дабл учинок од 27 поени и 12 скока.

Во останатите натпревари од синоќешната НБА програма, Њујорк го совлада Детроит со 111-97, додека Сан Антонио на домашен терен убедливо славеше против Сакраменто со 130-103.