ФФМ ја информира Фалангата како до билети за мечот на Македонија во Глазгов!

27 октомври 2026 - 12:01

Фудбалската федерација на Македонија (ФФМ) објави дека продажбата на билетите за претстојниот натпревар од Лигата на нации помеѓу репрезентациите на Шкотска и Македонија ќе се одвива исклучиво преку официјалната електронска платформа на шкотската фудбалска асоцијација.

Натпреварот е закажан за 13 ноември и ќе се одигра на стадионот „Хемпден парк“ во Глазгов, со почеток во 20.45 часот по македонско, односно 19.45 часот по локално време. Федерацијата ги повика сите симпатизери и поддржувачи на националниот тим кои планираат да патуваат во Шкотска навремено да ги обезбедат своите места преку официјалната платформа.

За да можат да купат влезници преку шкотскиот систем, македонските навивачи задолжително ќе треба да го внесат промотивниот код MACEDONIA_26. За гостинските поддржувачи првично е ставен на располагање секторот А2 сместен на западната трибина, кој нуди капацитет од 539 седишта.

Од ФФМ појаснуваат дека динамиката ќе се следи во континуитет во текот на целиот продажен период, а доколку побарувачката го надмине предвидениот број на билети, организаторот дополнително ќе го отвори и секторот А3, кој обезбедува уште 860 слободни места за македонската публика.