Јелена Ѓоковиќ изненади: Новак се разведува од мене по шест пати - секој ден!

Зборувајќи за исцрпеноста, родителството и секојдневните обврски околу децата, таа призна дека тешко го поднесува заморот, што честопати резултира со тензични, но од денешна перспектива комични ситуации во нивниот дом. Настојувајќи да одржи стабилност во семејството, таа нагласува дека личниот одмор е клучен фактор за нејзиното нормално функционирање.

„Нималку не се носам добро со недостигот на сон. Гризам, а мажот ми се разведува од мене шест пати дневно. Едноставно не спијам добро ако моите деца не се добро. Затоа сега правам сè за сите да бидат добро и одморени“, на шега изјави Јелена објаснувајќи колку ѝ е важен квалитетниот сон.

Покрај брачните динамики, сопругата на тенискиот ас големо внимание посветува на воспитувањето на децата, особено кога станува збор за методите на нивно успивање. Следејќи ги стручните совети од акушерките, таа одлучила да не ја практикува традиционалната метода на заспивање на децата во прегратка. Иако има целосно разбирање за различните родителски пристапи и не ги осудува оние кои користат поинакви методи, таа појасни дека секогаш настојува да ги остави своите деца самостојно да заспијат.

„Никогаш не сум ги заспивала децата во раце бидејќи акушерките ме советуваа да не го правам тоа. Постојат родители кои така ги заспиваат децата и тоа е сосема во ред. Јас го одбрав она што беше во согласност со мојот начин на размислување, односно да го оставам детето самостојно да заспие, наместо јас да го заспивам“, појасни Ѓоковиќ.