Фенербахче го нокаутира Олимпијакос, Жалгирис подобар од Асвел

23 октомври 2026 - 22:55

Кошаркарите на Фенербахче триумфираа против Олимпијакос со 64-61, додека Жалгирис Каунас беше подобар од Асвел со 105-85, а Валенсија го совлада Париз со 104-93 во седмото коло од Евролигата.

Фенербахче постигна само осум поени во првата четвртина (8-20), а не ја поправи играта ни во наредните 10 минути, па на паузата имаше негатива од 10 поени (24-34).

Турскиот гигант, сепак, почна да се буди во вториот дел и успеа во завршницата да го урне Олимпијакос со 64-61.

Најефикасен во победничкиот тим беше Шилдс со 17 поени, седум скокови и една асистенција, додека Везенков запиша 17 поени, 10 скокови и две асистенции.

На останатите дуели, Жалгирис го надигра Асвел со 105-85, додека Валенсија славеше со 104-93 против Париз.

Фото: Facebook/Fenerbahçe Beko