Дончиќ блесна на стартот на НБА, дебакл за Мајами на дебито на Адетокумпо (ВИДЕО)

22 октомври 2026 - 08:19

Лука Дончиќ со одлична партија ја предводеше екипата на Лос Анџелес Лејкерс до убедлива победа над Голден Стејт Вориорс од 127-105, во еден од најинтересните натпревари од вториот ден на новата сезона во НБА-лигата.

Словенечкиот ас го заврши натпреварот со 28 поени, осум скока и седум асистенции, а Лејкерс уште од самиот почеток покажаа дека се подготвени за силен старт. Вокер Кеслер имаше извонредна вечер со 26 поени, погодувајќи ги сите 10 обиди од игра, додека Остин Ривс додаде 23 поени. Кај Голден Стејт, Стефен Кари постигна 23 поени.

Дончиќ го одбележа натпреварот и со атрактивен погодок од голема далечина пред истекот на времето во првото полувреме.

Големо внимание привлече и дебито на Јанис Адетокумпо за Мајами Хит, но Гркот не успеа да го спречи убедливиот пораз од Минесота Тимбервулвс со 106-131. Адетокумпо постигна 35 поени и шест скока, но на спротивната страна Ентони Едвардс блесна со 45 поени и 10 скока, предводејќи ја Минесота до убедлив триумф.

Торонто Репторс го декласираше Чикаго Булс со 135-92, во натпревар во кој домашниот тим доминираше во текот на сите 48 минути. Скоти Барнс беше меѓу најзаслужните за убедливата победа на Торонто.

Хјустон Рокетс, пак, го совлада Далас Маверикс со 128-110, во тексашкото дерби. Кевин Дурент и Џабари Смит Јуниор постигнаа по 30 поени за победничкиот тим, додека Купер Флег беше најефикасен кај Далас со 32 поени.

РЕЗУЛТАТИ:
Вашингтон – Милвоки 128-116
Орландо – Атланта 125-132
Бруклин – Шарлот 103-110
Торонто – Чикаго 135-92
Мајами – Минесота 106-131
Њу Орлеанс – Индијана 120-123
Мемфис – Јута 123-103
Хјустон – Далас 128-110
Портланд – Феникс  124-83
ЛА Лејкерс – Голден Стејт 127-105
ЛА Клиперс – Сакраменто 121-96