Спектакл во ЛШ: Европскиот шампион гостува во Манчестер, Реал по бодови во Рим!

„Граѓаните“ викендов го совладаа Ливерпул на „Енфилд“ со 3-0, но сега ги очекува сосема поинаков предизвик против екипата која убедливо ја започна одбраната на европската круна.

Екипата на Енцо Мареска игра во одличен ритам. Осум победи на исто толку натпревари во сите натпреварувања, со дури 23 постигнати гола, доволно зборуваат за напаѓачката моќ на „граѓаните“. Особено радува формата на Ерлинг Халанд, кој осум пати ја тресеше противничката мрежа на досегашните осум настапи. Норвежанецот повторно беше стрелец против Ливерпул, а против ПСЖ ќе има можност да ја продолжи голгетерската серија и да испише нови страници во историјата на Лигата на шампионите.

Сити се надева и на предноста на домашниот терен, каде што загуби само еден од последните 25 натпревари од лигашката фаза од Лигата на шампионите. Сепак, Парижаните не се противник за потценување. Англискиот тим загуби два од последните три меѓусебни дуели, додека ПСЖ славеше со 4-2 на последната пресметка.

Францускиот шампион ја започна новата европска сезона со демонстрација на сила, декласирајќи го Слован Братислава со 6-1. Сепак, домашното првенство му донесе нешто повеќе проблеми. По две ремија и пораз во првите три кола, тимот на Луис Енрике успеа да врзе три првенствени победи и да се врати на победничките патеки. На последниот натпревар го совлада Ле Ман со 3-1, со бројни промени во составот.

ПСЖ има и охрабрувачка статистика: непоразен е на последните 11 европски натпревари против англиски клубови, со осум победи и три нерешени резултати. Од друга страна, гостувањата во Манчестер не му донеле многу радост, бидејќи сè уште нема победа на „Етихад“. 

Манчестер Сити со голема самодоверба го пречекува Пари Сен Жермен во дербито кое ветува врвен фудбал. „Граѓаните“ викендов го совладаа Ливерпул на „Енфилд“ со 3:0, но сега ги очекува сосема поинаков предизвик против екипата која убедливо ја започна одбраната на европската круна.