Жесус го уништи Роналдо: Ние градиме тим, а не споменик на еден играч

Жесус зборуваше за ситуацијата со Роналдо откако капитенот на Португалија го напушти репрезентативниот камп во Данска, по случувањата во пресрет на натпреварот против Данска. Роналдо не настапи во победата над Норвешка со 2-1, иако беше физички подготвен, а одлуката да остане на клупата предизвика големо внимание.

Португалскиот селектор сега порача дека статусот и минатите заслуги не можат да гарантираат минути на теренот.

„Кога играчот мисли дека неговото име му дава право да ја доведува во прашање одлуката, тогаш имате проблем“, изјави Жесус, додавајќи дека Роналдо е легенда на Португалија, но дека легендите се паметат по она што го направиле и не добиваат загарантирана минутажа поради своето минато.

Жесус објасни дека неговите одлуки се базираат на она што во моментот му е потребно на тимот.

„Одговорот е фудбалот. Во овој момент имам играчи кои можат да ѝ дадат повеќе интензитет и движење на екипата. Ако Роналдо не може да го прифати тоа, тогаш тоа е негов проблем, а не мој“, беше пораката на селекторот.

Тој притоа нагласи дека Португалија не му припаѓа на Роналдо, туку на целиот португалски народ.

„Ниту еден играч не е поголем од репрезентацијата и никогаш нема да го жртвувам тимот за да усреќам една ѕвезда“, порача Жесус.

На крајот, селекторот испрати и најдиректна порака:

„Ако Кристијано мисли дека Португалија може да функционира без него, тогаш мора да разбере една работа. Ние градиме тим, а не споменик на еден играч.“

Роналдо во меѓувреме го напушти кампот на репрезентацијата, а Фудбалскиот сојуз на Португалија потврди дека тој си заминал. Самиот фудбалер најави дека дополнително ќе ја објасни својата страна од приказната.