Фудбалерите ќе имаат поддршка во Љубљана: Фалангата се загрева пред мечот со Словенија (ВИДЕО)

29 септември 2026 - 15:34

Македонската фудбалска репрезентација денеска од 20.45 часот ѝ гостува на Словенија во Љубљана во вториот меч од Б-сегментот во Лигата на нации.

Фудбалерите вечерва ќе имаат и поддршка од трибините од македонските навивачи, кои полека се загреваат за дуелот на стадионот „Стожице“.

Фан-зоната на македонските навивачи ќе биде лоцирана кај Трите моста во центарот на Љубљана, а во 18.45 часот ќе се тргне организирано пеш кон местото за превоз, по што со автобуси ќе тргнат кон стадионот.