Халанд доби бизарна критика по победата на „Олд Трафорд“ - одговори урнебесно (ФОТО)

15 септември 2026 - 08:45

Фудбалерите на Манчестер Сити остварија голема победа над градскиот ривал Манчестер Јунајтед (1-0), благодарение на погодокот на Ерлинг Халанд, а триумфот е уште поимпресивен со оглед на фактот дека Сити играше со фудбалер помалку дури 70 минути од натпреварот.

Единствениот погодок на натпреварот предизвика големи контроверзии. Голот на норвешкиот напаѓач првично беше поништен поради офсајд, потоа беше признат по интервенција на ВАР-собата, за на крајот, по детална анализа по завршувањето на мечот, да биде оценет како нерегуларен од страна на англиската судиска организација „Про Реф“. И покрај тоа што го реши победникот во тешки околности, норвешкиот голгетер се соочи со необични коментари од фановите. На својот профил на социјалната мрежа Снепчет, Халанд сподели критика од еден навивач, на која даде и свој јавен одговор.

„Не е убаво што постигна само еден гол“, напиша навивачот, на што Халанд возврати со краток коментар: „На што се сведе мојот живот“.

Норвежанецот има учинок од четири гола на четири натпревари во Премиер лигата и вкупно шест погодоци на шест средби во сите натпреварувања оваа сезона. Од своето пристигнување во Манчестер Сити пред четири години, тој има постигнато 168 голови и 30 асистенции на 204 одиграни натпревари. Има освоено осум трофеи, меѓу кои и две титули во Премиер лигата и пехарот во Лигата на шампионите.