Четворица Шпанци меѓу петте кандидати за тренер на годината

08 септември 2026 - 13:13

Шпанската тренерска школа доминира во изборот за најдобар тренер во 2026 година во изборот на Франс фудбал. Дури четворица од петте номинирани тренери се Шпанци, што е несекојдневен успех за една фудбалска нација.

Во конкуренција за престижната награда се Микел Артета, Луис де ла Фуенте, Унаи Емери, Винсент Компани и Луис Енрике.

Артета е номиниран по одличната сезона со Арсенал, додека де ла Фуенте се најде меѓу кандидатите како селектор на Шпанија. Емери ја предводеше Астон Вила до трофејот во Лигата на Европа и четвртото место во Премиер-лигата. Четвртиот кандидат е Луис Енрике, кој со Пари Сен Жермен стигна до врвот на европскиот фудбал и ја освои Лигата на шампионите, покрај титулата во домашното првенство.

Единствениот кандидат кој не е Шпанец е Винсент Компани. Белгиецот со Баерн Минхен ја освои двојната круна во Германија и стигна до полуфиналето во Лигата на шампионите.

Интересно е што наградата, позната како Трофеј „Јохан Кројф“, ги зема предвид достигнувањата од сезоната 2025/26, како и настапот на Светското првенство во 2026 година. Победникот ќе биде прогласен на церемонијата на „Златната топка“ на 26 октомври.