АБА лигата остана без директор - досегашниот направи неочекуван трансфер

Иако неодамна доби поддршка за продолжување на мандатот, Војиновиќ сепак решил да стави крај на својот ангажман во регионалното натпреварување. Тој во иднина ќе биде дел од Војводина и ќе преземе функција во новосадскиот клуб.

Оваа одлука доаѓа во прилично неочекуван момент, со оглед на тоа што Војиновиќ имаше поддршка од раководството и клубовите во АБА лигата. Сепак, понудата и проектот во Војводина очигледно биле доволна причина за промена на плановите. Неговото заминување се поврзува и со потенцијалната соработка меѓу Војводина и Дубаи. Новосадскиот клуб има големи амбиции, а евентуалната соработка со актуелниот евролигаш би можела дополнително да го засили проектот.

Војиновиќ зад себе остава период во кој беше еден од клучните луѓе во организацијата и функционирањето на АБА лигата. Неговото следно поглавје, пак, ќе биде поврзано со Војводина, каде што се очекува да има значајна улога во развојот на клубот.

За АБА лигата ова значи нова задача – да пронајде човек кој ќе ја преземе директорската позиција. Во исто време, регионалното натпреварување веќе работи на пополнување и на други важни функции, меѓу кои комесар на натпреварувањето, претседател на судиската комисија и дисциплински судија.

Така, место мирна подготовка за новата сезона, АБА лигата влегува во период на дополнителни промени во својата организација, а заминувањето на Војиновиќ е една од најзначајните.