Само 2-3 фудбалери на Милан ќе присуствуваат на погребот на Барези

01 август 2026 - 18:49

Милан ќе биде претставен со само неколкумина фудбалери на погребот на легендарниот Франко Барези, кој ќе се одржи во вторник во базиликата „Сант Амброзио“ во Милано. Причината не е недостаток на почит, туку веќе закажаната летна турнеја на клубот во Австралија.

„Росонерите“ во моментов се подготвуваат во Перт, каде што во среда ги очекува пријателски натпревар против градскиот ривал Интер. Поради долгото патување и згуснатиот распоред, речиси е невозможно играчите да се вратат навреме за да присуствуваат на последното збогување со една од најголемите клупски легенди.

Според италијанските медиуми, на погребот најверојатно ќе присуствуваат само повредените Кристијан Пулишиќ и Сантијаго Хименес, кои останаа во Миланело, како и капитенот Мајк Мењан, кој сè уште не му се приклучил на тимот по одморот по Светското првенство 2026.

Од клупското раководство, пак, ќе има силна делегација предводена од сопственикот Џери Кардинале, претседателот Паоло Скарони, советникот Златан Ибрахимовиќ и други високи функционери, кои ќе му оддадат последна почит на човекот што остави неизбришлива трага во историјата на Милан и италијанскиот фудбал.