Македонија се бореше храбро, но загуби од Шведска на ЕП

01 август 2026 - 14:15

Кадетската репрезентација на Македонија беше поразена од Шведска со 29-33 во последното коло од групната фаза на Европското првенство (ЕП) во Белград.

Македонија имаше лош почеток на натпреварот, по кој успеа да се соземе во завршницата на првото полувреме и да стигне до негатива од минус два (16-18) пред паузата.

Шведска успешно го чуваше водството во вториот дел, иако Македонија се обидуваше да го скрши отпорот на ривалот, но на крајот нашите кадети загубија со 29-33.

Трајче Костов и Горазд Дамчевски постигнаа по осум голови за Македонија, додека Филип Пастуховиќ запиша шест погодоци за Шведска.

Македонија претходно на турнирот загуби од Словенија и Франција.

Фото: Ракометна Федерација на Македонија