Трагедија во Романија: Комбе со членови на Динамо излетало од патот (ВИДЕО)

31 јули 2026 - 13:52

Тешка сообраќајка се случила во Романија во која настрадал возачот и еден од членовите на фудбалскиот клуб Динамо Букурешт, а повеќе лица се здобиле со сериозни повреди.

Потврдено е дека еден член на Динамо Букурешт го загубил животот, а станува збор за Константин Ковачиу кој бил дел од стручниот штаб на тимот.

Покрај членот на Динамо, настрадал и возачот на комбето, во кое се возеле вкупно 16 членови на клубот.

Според првичните информации, несреќата се случила кога наводно возачот доживеал срцев удар, по што загубил контрола врз возилото.