Робев останува во „Градски парк“ - потпиша нов договор со Работнички!

30 јули 2026 - 20:10

Работнички го започна процесот на задржување на костурот на тимот за претстојната сезона. Само два дена по официјализирањето на соработката со Дерин Говенс како второ ново име, раководството потпиша нов договор со еден од клучните играчи, Дамјан Робев.
 

Македонскиот репрезентативец Дамјан Робев прв ја продолжи верносните кон клубот. Искусниот бек пристигна во Градски парк во 2024 година од редовите на МЗТ Скопје и веднаш се наметна како еден од главните адути во тимот на тренерската палка на Владимир Мирковски.

Зад себе има стабилна сезона во која настапи на 26 натпревари, реализирајќи во просек по 9,7 поени, 4,8 скока и 4,5 асистенции по меч.

Потписот со Робев е само почеток, во наредниот период се очекуваат нови потписи со дел од останатите играчи, со кои Работнички ќе ја нападне шампионската титула во новата кампања.