Веќе почна борбата: Следниот Мундијал можеби ќе се гледа на Нетфликс и Јутјуб!

27 јули 2026 - 13:25

Светското првенство ова лето само што заврши, а вниманието од САД, Канада и Мексико веќе полека се насочува кон следните домаќини на најголемиот фудбалски настан и тоа се: Шпанија, Португалија и Мароко, како и Уругвај, Парагвај и Аргентина.

Додека се чека официјална потврда за форматот на турнирот, неофицијалните информации велат дека на шампионатот би можеле да настапат дури 64 репрезентации, а веќе започна големата битка за телевизиските права за пренос. 

Според информациите на дел од медиумите кој ги следат случувањата во светот на бизнисот, во трката за правата се вклучиле голем број стриминг платформи, меѓу кои Нетфликс, Дизни, како и Алфабет, компанијата во чија сопственост е Јутјуб.

Според моменталните информации, овие компании ќе се обидат да ги откупат правата од телевизијата Фокс. Наводно, целата зделка би можела да достигне вредност меѓу 1,5 и 2 милијарди долари. Преговорите меѓу ФИФА и заинтересираните страни официјално би требало да започнат до крајот на оваа есен. Порталот „Атлетик“ претходно објави дека за своите права за пренос платил 485 милиони долари.