Ништо од бизнисот: Гвардиола ги откачи Италијанците

24 јули 2026 - 11:35

Пеп Гвардиола нема да стане нов селектор на италијанската репрезентација. Иако во изминатите денови раководството на Италијанската фудбалска федерација, предводено од новиот технички директор Паоло Малдини и неговиот советник Леонардо, интензивно преговараше со шпанскиот стратег, тој решил да ја одбие понудата.

Според информациите на „Газета дело Спорт“, Гвардиола им соопштил дека во овој момент не се чувствува подготвен да ја преземе репрезентацијата и сака да направи пауза по завршувањето на долгата и успешна ера во Манчестер сити.

По неговото „не“, вниманието на Малдини и Леонардо целосно се насочува кон Андреа Пирло, кој во моментов е прв фаворит за селекторската функција. Според нивната визија, Италија сака да започне долгорочен проект од осум до десет години, со тренер кој ќе ја прифати стратегијата за развој на националниот тим и младинскиот фудбал.

Во конкуренција за селекторската позиција остануваат и Антонио Конте и Роберто Манчини, но Пирло во моментов има најголема поддршка од луѓето задолжени за спортскиот проект на „аѕурите“. Италијанската федерација се очекува во наредните денови да го соопшти името на новиот селектор.