Модриќ донел одлука – ќе се збогува во спектакл против светските шампиони!?

Според информациите на „Газета дело Спорт“, легендарниот хрватски играч за врска планира да го одигра претстојниот репрезентативен циклус и првите четири натпревари од Лигата на нации, по што целосно ќе се посвети на обврските во Милан каде што ќе остане и наредната сезона.

„Модриќ целосно ќе му се посвети на Милан по 6 октомври, кога ќе се прости од хрватската репрезентација на натпреварот од Лигата на нации против Шпанија во Сплит. Одлуката веќе му ја соопштил на селекторот Славен Билиќ, а наскоро за неа ќе бидат информирани и навивачите“, пишува италијанскиот весник.

Доколку овие информации се покажат како точни, дуелот против Шпанија на „Пољуд“ ќе биде последниот репрезентативен настап на хрватскиот капитен пред повеќе од 30.000 домашни навивачи.

Модриќ досега одигра 202 натпревари во дресот на Хрватска и постигнато 29 голови. Со националниот тим го освои сребрениот медал на Светското првенство во Русија во 2018 година, а четири години подоцна и бронзата на Мундијалот во Катар.