Maнчестер сити доведе голман и веднаш го испрати на позајмица

Репрезентативецот на Северна Ирска, кој претходно беше дел од академијата на англискиот шампион пред да се пресели во Шефилд Венздеј, потпиша петгодишен договор со клубот што ќе важи до летото 2031 година.

Според „Скај спортс“, вредноста на трансферот изнесува три милиони фунти, а во договорот се предвидени и дополнителни бонуси поврзани со идните успеси на Манчестер сити.

Дваесетгодишниот Чарлс следната сезона ќе ја мине како позајмен фудбалер во Квинс Парк Ренџерс, каде што ќе има можност да стекне дополнително искуство и редовна минутажа.