Арсими се засили со фудбалер на Вардар!

06 јули 2026 - 09:10

Фудбалскиот клуб Арсими доби фудбалер на едногодишна позајмица од актуелниот македонски шампион Вардар.

Од Вардар потврдија дека на позајмица во Арсими го праќаат Ибрахим Оласебикан.

За овој фудбалер се интересираше и Скопје, но на крајот е одлучено да биде испратен во Арсими.

Покрај Оласебикан, Вардар на позајмица од вчера ги прати и Мануел Куестас кој замина во ФК Језеро во Црна Гора, како и Или Зибери кој ќе го брани голот на Тетекс.