Двајца фудбалери на Вардар испратени на позајмица, уште еден може да им се приклучи

05 јули 2026 - 09:38

На два дена пред првиот натпревар против Купс во воведното квалификациско коло за Лигата на шампионите, Вардар соопшти дека останал без двајца фудбалери, а можно е да им се приклучи уште еден.

Мануел Куестас замина на позајмица во црногорскиот прволигаш Језеро и денеска ќе се приклучи на подготовките на тимот за новата сезона. Покрај него, позајмен е и Или Зибери кој претстојната натпреварувачка кампања ќе го носи дресот на Тетекс.

На позајмица би можел да замине и Ибрахим Оласебикан за кого се заинтересирани прволигашите Скопје и Арсими.