Бура во Мајами го откажа тренингот на Аргентинците

05 јули 2026 - 10:44

Силна бура во Мајами ги поремети плановите на аргентинската репрезентација. Тренингот на „гаучосите“, закажан за сабота наутро, беше откажан поради лошо време и грмотевици што го погодија американскиот град.

Според информациите од аргентинскиот канал TyC Sports, одлуката е донесена во согласност со важечкиот американски протокол за безбедност за време на активности на отворено за време на грмотевици. Така, тимот на Лионел Меси одржа тренинг само во салата по исцрпувачкиот натпревар од 120 минути против Зеленортските Острови.

Првичниот план на тренерскиот штаб беше тренингот да се одржи во 11:15 часот по локално време на стадионот во Мајами. Сепак, откажувањето на тренингот на теренот целосно ја промени програмата на светските шампиони. Покрај општата подготовка, тренерскиот штаб има проблеми со тројца од своите главни играчи, кои го завршија последниот натпревар со физички проблеми. Тоа се Факундо Медина, Енцо Фернандез и Николас Гонзалез.

Аргентина ги продолжува подготовките за клучниот осминафинален натпревар од Светското првенство во фудбал 2026 против силната репрезентација на Египет. Натпреварот ќе се игра во Атланта во вторник 18:00 часот по средноевропско време.