Неверојатен пад на Сабаленка: Вторпат за три недели загуби сет со 0-6!

Најголемо внимание привлече начинот на кој Сабаленка го загуби решавачкиот сет. Белорусинката не освои ниту еден гем во третиот дел од мечот, продолжувајќи го загрижувачкиот тренд на големи падови во клучните моменти. Ова не е првпат да ѝ се случи вакво нешто во последниот период. Само пред неколку недели, на Ролан Гарос, Сабаленка исто така загуби решавачки сет со 0-6 во дуелот против Дијана Шнајдер, иако претходно беше рамноправна во натпреварот.

Токму поради тоа, тениската јавност сè почесто го поставува прашањето дали светскиот рекет број еден има проблем со физичката или менталната издржливост кога натпреварите влегуваат во завршната фаза. Од друга страна, Пегула одигра одличен меч и заслужено стигна до финалето, каде што ќе се сретне со победничката од второто полуфинале меѓу Линда Носкова и Александра Еала.