Готово: Жељко Обрадовиќ се враќа на местото на успехот!

17 јуни 2026 - 12:32

Жељко Обрадовиќ, според најновите информации, потпишал договор со Панатинаикос, пренесува израелскиот новинар Арале Вајсберг.

Според неговите информации, Обрадовиќ и Панатинаикос постигнале конечен договор. Најтрофејниот европски кошаркарски тренер наводно ставил потпис на договорот и се враќа на клупата на грчкиот гигант.

Претходно беше објавено и дека раководството на Панатинаикос, предводено од Димитрис Јанакопулос, било подготвено да му понуди тригодишен договор вреден околу пет милиони евра за да го убеди искусниот стратег да се врати во клубот со кој ги оствари најголемите успеси во својата кариера.

Српските медиуми шпекулираа и за можно враќање во Партизан, сепак најверојатно грчкиот гигант успеал да ја заврши работата.