Алиоски: Да уживаме во мечот против Турција пред полните трибини!

31 мај 2026 - 18:51

На денешната прес-конференција по повод утрешниот натпревар против Турција се обрати и Езгјан Алиоски кој рече дека му е чест што ја носи „десетката“, но им недостасува капитенот Барди кој вообичаено ја има таа бројка.

Алиоски се враќа на местото каде што настапуваше, во Турција, во Истанбул, овојпат ќе игра против Турците во дресот на Македонија.

„Секогаш е убаво да се вратиш некаде каде што си играл. Тоа не значи многу, утре не очекува нов натпревар. Треба да уживаме во овој дуел пред полни трибини. Мора да учиме повеќе од секој нов натпревар. Одигравме добро против Босанците, но јасно е дека е потребно време. Ќе видиме понатаму, ама овие два квалитетни теста се одлични за нас. Многу се гордеам за десетката која значи многу, особено во репрезентација. Сепак, не игра бројката туку мора играчот да даде свој максимум на терен. Тоа е бројката на Барди, нашиот капитен кој ни недостига во тимот. За мене репрезентацијата е многу важна, сакам да стигнам до бројката од 100 натпревари. Дај Боже да немам повреди, но и освен бројот на средби, посакувам успех во иднина. Турција е многу силна репрезентација, со многу квалитетни играчи. Имам поранешни соиграчи во оваа селекција, па сигурно дека ќе бидам нивен навивач на Мундијалот“, изјави Алиоски на прес-конференцијата.

Контролниот натпревар меѓу Турција и Македонија ќе се одигра в понеделник на стадионот „Шукру Сарачоглу“ во Истанбул, со почеток во 18:30 часот.