Левандовски го постигна последниот гол за Барса против Димитриевски (ВИДЕО)

23 мај 2026 - 23:03

Валенсија ја шокира Барселона со 3-1 во последното коло од шпанската Ла Лига, а полскиот напаѓач Роберт Левандовски се збогуваше од каталонскиот гигант со гол против македонскиот чувар на мрежата Столе Димитриевски.

Левандовски по еден час игра успеа да го матира Димитриевски и да погоди за 1-0, но Валенсија во продолжение направи целосен пресврт со головите на Гуера и Риоха, а победата ја запечати Родригез во седмата минута од судиското надополнување (3-1).

Полскиот голгетер по овој натпревар си заминува од Барселона, а засега не е позната неговата следна дестинација во кариерата.

Реал Мадрид успеа да слави со 4-2 против Атлетик Билбао. Головите во првото полувреме ги постигнаа Гарсија и Белингам за „кралевите“, додека на спротивната страна погоди Гурузета.

Мбапе на почетокот на вториот дел зголеми на 3-1, а потоа Дијаз во 88. минута стрелаше за водство од 4-1.  На крајот Атлетик Билбао, сепак, успеа да намали на 2-4.

Од претходно е познато дека Барселона е шампион, додека Реал Мадрид заврши втор. Во понизок ранг заминуваат Мајорка, Жирона и Овиедо.

Останати резултати:

Алавес – Рајо Валјекано 1-2
Бетис – Леванте 2-1
Селта Виго – Севилја 1-0
Еспањол – Реал Сосиедад 1-1
Хетафе – Осасуна 1-0
Жирона – Елче 1-1
Мајорка – Овиедо – 3-0

Фото: BarcelonaFC/Facebook