Македонецот Грчевски го потпиша првиот договор со Црвена Звезда!

Младиот голман, кој е член на репрезентацијата на Македонија за играчи до 17 години, со договорот официјално се обврза на долгорочна соработка со еден од најголемите и најтрофејни клубови во Источна Европа. Во белградскиот гигант не го криеја задоволството од ангажманот на македонскиот чувар на мрежата. Претседателот Светозар Мијаиловиќ и директорот на младинската школа Никола Јелиќ посочиле дека Грчевски е голем потенцијал и важна инвестиција за иднината на клубот.

Талентираниот голман потекнува од школата на Работнички, а преку Графичар стигна до младинскиот погон на поранешниот европски и светски шампион, каде сега ќе има можност дополнително да се развива и да се наметне на големата сцена.