Медведев се намачи и си закажа нова пресметка со Синер

Мечот траеше два часа и 24 минути што доволно зборува дека Медведев добро се намачи да го совлада 94. светски тенисер. Шпанецот и Русинот имаа одлична борба во четвртфиналето, а сè започна со тоа што Ландалус убедливо го доби првиот сет, дозволувајќи му на Медведев само еден гем за 26 минути игра.

Во вториот сет, деветтиот играч на планетата успеа да израмни, а го доби овој дел од гемот со 6-4, по серија брејкови на двете страни. Решавачкиот дел од играта го одбележа голема борба, во првите шест гема имаше по еден гем на двете страни, а во десеттиот  гем Ландалус успеа да спаси три меч-поени. За негова жал, натпреварот беше продолжен за два гема, бидејќи во 12. гем Медведев искористи меч-поен, четвртиот од натпреварот, и така се пласираше во полуфиналето.

Во битката за финалето, тој ќе игра против Јаник Синер, кој го елиминираше Андреј Рубљов и повеќе од половина година е без пораз на Мастерс турнирите.