Стравичен пад на Марк Маркез, Мартин најбрз на спринтот во Ле Ман (ВИДЕО)

09 мај 2026 - 16:15

Возачот на Априлија, Хорхе Мартин, славеше во спринт трката која се возеше во рамките на Големата награда на Франција, петтата рунда од овогодинешниот Мото ГП шампионат.

Шпанецот во Ле Ман ја запиша втората победа во спринтот оваа сезона, откако претходно триумфираше и во Остин, по неверојатен старт од осмата позиција.

Најблиску до Мартин беше Франческо Бањаја на Дукати, додека на третото место на победничкиот подиум се најде другиот возач на Априлија, Марко Бецеки.

Бецеки и Бањаја само неколку свиоци успеаја да останат во чекор со Мартин, а нивниот дуел беше решен во третиот круг, кога Бецеки направи грешка, по што возачот на Дукати го претекна и ја презеде контролата.

Трката ја обележа и падот на Марк Маркез кога во последниот круг ја загуби контролата над својот Дукати и излета од него, сцената изгледаше страшно, меѓутоа за среќа Маркез помина без посериозни повреди.