Официјално: Алкараз се откажа од „Ролан Гарос“!

Алкараз се повлече од турнирот во Барселона минатата недела по само еден натпревар, поради повреда на зглобот. Од истите причини не игра на Мастерсот во Мадрид, а новите извештаи сугерираат дека прогнозите дека го очекува долга пауза се покажаа исправни и основани.

„По резултатите од тестовите спроведени денеска, одлучивме дека е најразумно да бидеме претпазливи и да не учествуваме во Рим и 'Ролан Гарос', додека чекаме да го процениме нашиот напредок за да можеме да одлучиме кога да се вратиме на теренот. Ова е тежок период за мене, но сигурен сум дека ќе излезам посилен од него“, рече Алкараз.

Ова значи дека шпанскиот тенисер ќе загуби многу бодови оваа пролет затоа што требаше да ги брани титулите во Рим и Париз. Враќањето на терените може, евентуално, да се очекува на сезоната на трева и на Вимблдон.