Германец може да го води Реал следната сезона!

11 април 2026 - 14:18

Реал Мадрид се наоѓа во сериозни проблеми во самата завршница од сезоната. „Кралевите“ по ремито со Жирона можат да останат на девет бода негатива од Барселона во Ла Лига, додека во Лигата на шампионите ќе бркаат негатива од еден гол во реваншот во Минхен против Баерн.

Шпанските медиуми пренесуваат дека првиот човек на клубот, Флорентино Перез, донел одлука Арбелоа да не остане на клупата и следната сезона, а веќе се размислува и за тоа кој би можел да го замени.

Како сериозна опција во шпанските медиуми се појави и името на Јулијан Нагелсман, актуелниот селектор на Германија, кој веќе подолг период нема клупски ангажман. Иако во медиумите се споменуваше и Дидие Дешан, сепак наводно Перез повеќе бил за германскиот стратег.

Покрај германската репрезентација, Нагелсман во кариерата ги предводеше Хофенхајм, Лајпциг и Баерн Минхен.