Собослаи го запали алармот во Ливерпул: Разбудете се или ќе играме во Конференциска лига

16 март 2026 - 09:23

Унгарскиот играч од средниот ред Доминик Собослаи постигна уште еден спектакуларен гол од слободен удар на Енфилд, но подвигот не беше доволен за да се избегне ремито 1-1 помеѓу Ливерпул и Тотнем.

Бразилецот Ришарлисон, на асистенција на Французинот Рандал Коло Муани, му го донесе првиот бод на хрватскиот менаџер Игор Тудор во 90. минута од мечот. Тотнем ја прекина серијата од пет порази во Премиер лигата, а Собослаи изрази загриженост поради очигледната лоша форма на тимот на холандскиот стручњак Арне Слот.

„Треба да се разбудиме. Ако продолжиме вака, следната година ќе играме во Конференциската лига“, изјави Собослаи по мечот.

Ливерпул го зазема петтото место на табелата и има само еден бод повеќе од шестопласираниот Челси, додека Брентфорд е седми со 44 бода, но натпревар помалку. Актуелниот англиски шампион има реванш натпревар против Галатасарај пред себе по минималниот пораз во Истанбул, а ќе се обиде да ја надомести негативата в среда во 21 часот. Следниот натпревар, гостување против Брајтон, е закажан за сабота во 13:30 часот.