Одбиена жалбата на Бенфика: Престијани нема да игра против Реал Мадрид

25 февруари 2026 - 16:50

Фудбалерот на Бенфика, Џанлука Престијани нема да може да му помогне на португалскиот тим во реваншот против Реал Мадрид во плејофот на Лигата на шампиони (ЛШ), откако беше одбиена жалбата на неговата екипа за суспензијата.

Бенфика поднесе жалба по суспензијата на Престијани поради наводен расистички напад врз Винициус Жуниор од Реал Мадрид, меѓутоа на крајот доби лоша вест на неколку часа пред гостувањето во Шпанија.

Престијани останува суспендиран, а Европската куќа на фудбалот (УЕФА) продолжува со истрагата против него и му се заканува продолжување на санкцијата до 10 натпревари.