Историја во мак-фудбалот: Првпат два второлигаши во полуфиналето од Купот!

Првпат два второлигаши ќе играат полуфинале во Купот на Македонија, а бројката може да се зголеми и на три доколку Детонит го добие дуелот со Силекс.

Денеска второлигашите беа во елемент, Охрид одигра одличен меч против Вардар и го елиминираше по подобро изведување на пенали. Натпреварот во регуларниот тек заврши 1-1. Ова беше и едно од најголемите изненадувања во историјата на Купот.

Шкендија Арачиново со 3-1 го исфрли Работнички, но за овој резултат не може да се каже дека е изненадување со оглед на актуелната ситуација на тимот од Дебар Маало кој има мали шанси да остане прволигаш.

Охрид во полуфиналето ќе игра со подобриот од дуелот меѓу Детонит и Силекс, а Шкендија Арачиново ќе се сретне со победникот од Струга и Шкендија.