Лапорта: Има судии кои сакаат да ѝ наштетат на Барселона!

17 февруари 2026 - 18:31

Жоан Лапорта, кој е кандидат за нов мандат за претседател на Барселона, жестоко „распали“ по судиите по поразот од Жирона (1-2) со кој каталонскиот гигант го загуби првото место во Ла Лига.

Лапорта обвини дека во Шпанија постојат судии кои сакаат да ѝ наштетат на Барселона, иако реши да не ги именува јавно.

„Има судии кои секогаш сакаат да ѝ наштетат на Барселона. Тоа не е ништо ново во Шпанија. Сепак, ова ќе биде лига против сите и секого затоа што има луѓе кои не сакаат да победиме. Постојат големи луѓе кои не сакаат да бидеме на врвот“, обвини Лапорта.

Барселона во моментов е на втората позиција во Ла Лига со 58 бодови, додека лидер е Реал Мадрид со два поени повеќе.

Фото: Facebook/FC Barcelona